ဖြစ်ကြောင်းကုန်စင် အညာတခွင် (၄၇) “ စိုးမိုး ထိန်းချုပ် လွတ်မြောက်. . .” အညာတခွင်မှာ တော်လှန်ရေးတပ်ဖွဲ့တွေရဲ့ စိုးမိုးနယ်မြေတွေ ရရှိနေပါပြီ။ ဒီလို စိုးမိုးနိုင်ရုံနဲ့ တင်းတိမ်နေရမှာတော့ မဟုတ်ပါ၊ စိုးမိုးရာကနေ ထိန်းချုပ်နိုင်တဲ့အဆင့်ကိုသွားရမယ်၊ ထိန်းချုပ်နိုင်တဲ့အဆင့်ကနေ အညာဖက်ဒရယ်ယူနစ်အဖြစ် လွတ်မြောက်တဲ့အထိ ခရီးကြမ်းကြီးကို အညာတခွင်က ဆက်လက် မောင်းနှင်နေဆဲဖြစ်ပါတယ်။ အညာ့နိုင်ငံရေးပိုင်းမှာဆိုရင် အညာဒေသမှာ အာဏာလေဟာနယ်တွေ ပိုများလာတယ်၊ လက်နက်ကိုင်အဖွဲ့တွေ ပိုများလာတယ်၊ ခေါင်းစဉ်တွေပိုများလာတယ် ဒါ့ကြောင့် ဘေးထွက်ဆိုးကျိုးတွေလည်း ပိုများလာတာကို တွေ့ရပါမယ်။ ဒါမျိုးတွေကို ထိန်းညှိနိုင်ဖို့ ဘယ်ခေါင်းစဉ်နဲ့ ဘယ်အဖွဲ့ပဲဖြစ်စေ နိုင်ငံရေးဆိုင်ရာ ချဉ်းကပ်နိုင်သူတွေကို ဦးစားပေးပြီး ဆွေးနွေးကြ စုစည်းကြဖို့လိုအပ်ပါတယ်။ ဒီအချိန်မှာ တပ်ပေါင်းစုမဟာမိတ်အဖြစ်ပေါင်းစည်းပြီး နိုင်ငံရေးဆိုင်ရာ ဦးဆောင်မှု ဘော်ဒီတစ်ရပ်နဲ့အတူ အညာဖက်ဒရယ်ကို ကြိုတင် မူဝါဒချမှတ်ဖို့ လိုနေပြီဆိုတာကို ဒီတပတ် “ဖြစ်ကြောင်းကုန်စင် အညာတခွင်” အမှတ်စဉ်-၄၇ ကနေ မီးမောင်းထိုးပြထားပါတယ်။ #SpringRevolution #PVTV #TheArtOfRevolution #WhatHappeninginANYAR
