Panahon na naman ng tag-ulan. Kaya chillax lang muna, madlang people, at mag-binge watch ng “It’s Showtime” kasama ang buong family. This Tuesday, i-medley na ang good vibes at jamming! Karaoke mode muna tayo kasama ang nag-iisang Kitchie Nadal na idol ng lahat pagdating sa singing at songwriting. Maki-duet at makihula naman kasama ang makukulit na bulilits – sina Argus, Kelsey, Jaze, at Imogen sa “Karaokids.” Struggle is real para sa “Showtime” family na sinubukan pang mag-work as one para title ng kanta ay mahulaan. Sa larong ‘to, bawal maging kampante. Dahil baka ang kulelat sa simula ay biglang umabante. Lucky stars ay umayon kina Karylle at Ion na nahirapan sa umpisa pero sa jackpot round pa rin ang punta. Hindi mag-ex kundi mag-BFFs ang ating special guests sa “EXpecially For You.” Meet Marianne and her best friend, Jo-an–magkasangga sa kahit anong laban, lalo na kung pag-ibig ang usapan. Si Marianne, minsan nang naging martir sa pag-ibig. Nagbulag-bulagan at bingi-bingihan sa payo ng kaibigan dahil lamang sa pagmamahal sa isang lalaki na paulit-ulit siyang sinaktan. Not once, not twice, but five times! Hindi naman masama na sumubok ulit makipag-date. Kaya naman, si Marianne, ka-tandem ang BFF sa pagkilatis sa tatlong searchees. Isa na kaya sa kanila ang kanyang soulmate? Dalawang estudyanteng may golden tinig ang ating narinig sa “Tawag Ng Tanghalan The School Showdown.” Si Cathlyn Gomez ng Philippine Women’s College of Davao, pasabog ang performance sa entablado. Siguradong mapapasayaw ka sa pagkanta n’ya ng “Bang Bang.” Inawit naman ni Russel Roxas ang “Tilaluha.” Pero ang kanyang pamantasan na Cavite State University, siguradong hindi luluha. Sa halip, matutuwa at magiging proud sila sa kanyang pagkanta. Sa katunayan, si Russel ang pasado sa saraw na ‘to matapos makakuha ng mas mataas na grado – 92.3% – mula kina hurado Louie Ocampo, Jed Madela, at Kean Cipriano. Sa gitna naman ng kuwentuhan, napag-usapan ng “Showtime” hosts ang tamang pagluluto ng omelet. Paano nga ba gawing perfect ang recipe na ‘to, Meme? Hindi lang diyan nagtatapos ang on-the-spot lessons, dahil si Vice, may hosting tips para kay MC. #ItsShowtime #LunchtimewithShowtime #ABSCBNEntertainment
